SUNTIG *smile*
nachdämi doch gester so mega früeh im bett bi gsi, (e tag wo ni mi tag isch chani ou früehch is bett, de isch eher morn u aues isch wider viel besser) bini hüt halt derna ou biz „früehner“ uf, als e suntig normalerwis wür zuela.. =)
emu, nacheme gemütleche zmorge bi mim mami im bett.. „i mag ni tische u du ni usem bett cho, isch guet wenis zmorge as bett bringe?“ (vorteil bi dere methode, ds gsou isch i ihrem bett u mä cha tv luege) =)
beidi churz tagesablouf abriss gmacht…
fazit: mier träffenis äuä eifach uf di sibne wider dehei zum znacht.. =))
mis mami de mau richtig feriemäss abdüset. u ig richtig bärn, is migros.. =)
im migros ga glace (STANDARD) u m-budget drinks hole u gschwing i kreisi loeb (dä heisst gloub gar nüme so imfau ivi 😉 ) emu witers richtig bösinge.. =)
i mim zwöite dehei zwüschestop gmacht, wöui gwüsst ha mis 2te Ich isch ni ume uni cha ga überraschig zwäg mache.. di hani ja scho ewigkeite nüme gseh *snif*
de witers uf schwarzeburg zu housi.. hani schön brav gseit chöm de ufe,abm mittag.. also gemütlich 20 ab 12i uf dr matte gstange..
bi üs ufem program isch BOXE IBOUE INE MICRA gstange *fröi*
abr natürli zersch chle plegere u tv luege, resp dvd lose 😉
de hurti abe zum outo, chle driluege u so.. gschäftig usgseh…
housi bemerkt grad mau eis, das dr kolleg no si outo schlüssu het u dasmer dä ev söt ga hole..
oke, de cha ig ja guet di hingere sitze wider ufenä….
****ACHTUNG, BLUETBAD ERZÄHLIG*** (nüt für nid bluetläsend verträgendi mäge) ****
auso, eswie hanis gschaft, derte wo normalerwis di hingere sitze iraste u so mi finger dri ds ha u drane ds zieh.. natürli sehr ungsung, wini festgstellt ha, wöu genau das hägli dert ine hetmer näre rächt leid dr finger verschlitzt.. (geils wort 😉 )
ig mi finger em aluege.. „öhhhhhhhhhh, kul, lu mau, höne töif.. ühh, das blüetet ja deftig..“ (housi näbedra em telefon „du, mir chöme näre, muess gschwing öper ga verarzte..“) „äuä verarzte, chle abputze, de isch guet.. ev pflästerli..“ …. „lu mau, s tropft scho fasch… oke, pflaschter wär ächt ke seich..“ …. „ohoh, es tropft tatsächlech…“ *beidehändevolerbluthab*
hihi, de mau chle abgwäsche das vile bluet u mi vom dokter hans la verarzte.. het ja gar nüme wöue höre mit schüü gä 😉
hihi, erschti chriegswunde gha, bevormer überhoupt gstartet hei =)
*****FERTIG BLUETBAD 😉 *********
auso hurti zu housi kolleg u derte schlüssu hole, dasmer sis outo chöi wäg stelle u mit mim id garage ine.. u näre isches los gange:
start: 13:56
mau hinger boxe nomau gchert.. logisch odr, we ig chume mau zersch aues wider chere.. de mau gmüetli afa kabel zieh u so…
plötzli schället hinger im kofferrum es natel.. mier luegenis verduzt a u luege derte ines seckli.. ds alte natel vo mire mam isch drine.. i runzle d stirn u nimes use.. het no komisch glüchtet.. de klapis us.. schwarz.. tot… hö?
überlegeni nomau.. das isch doch ds alte natel vo mire mam.. wiso lütet das?
luegeni dri.. het ja ke sim charte dine… schreg..
„du hesch o ghört wis glütet het?“ – „ja, du o?“ „ja…“ (mier hei das näre ignoriert, ob das natel itze besässe isch odr nid 😉 )
witer im tegscht… emu nach bizeli chnorze, simer scho ds vierte ums outo gstange u äntli fertig gsi.. (ds chnorze isch nur uf ds schrube azieh mit lädiertem ziegfinger mire sits bezoge gsi.. au anger hei ihri sach guet gmacht 😉 )
isch gloub öpe e stung gsi, hei nüme uf d uhr gluegt.. =)
Nachdäm d alag no uf volle pulle teschtet isch worde… 3 doors down und „masters of randalz“ simer dr meinig gsi es tönt angers geil.. (emu ig 😉 )
si de ufe ds vierte vore tv ga siegfried luege… jaja, lustich war es …
gmüetli no chle umegsiffet u nichtsmer gedan…
jaja… =)
nach bizeli siffe, nichtstun, dürüm ässe u DSDS luege bini de eis ufe heiwäg u has no vor dr match fluet über d outobahn gschaft…
u ja, itze hockeni dehei, miteme risige verband ume finger, wöu das plöde pflaster doch ni glängt ha u bi erstunt, das mi finger immerno so blüetet…
hihi, defür chani morn mit chriegsverletzige plagiere *stoltzbin*
hani nämli grad beschlose, sone kampf nimi no meh uf, outo usenang nä u so fägt ja wi sau.. 😉
dahär, guet nacht a alli u hei, häbet ke finger is outo irast teil loch vode hingersitze.. sisch gfährlech 😉
edit: u ds wichtigste hani ja no vergässe… =)
==> pünktlech em 10 vor sibni dehei gsi u gmüetlech em sibni no mit mim mami chöne znacht ässe… höhö, das isch gloubs sälte bi üs und drum erwähnents wärt.. nomau zum säge, lustige tag gsi.. (u überlegemer scho wider, wiso dasi kes bild vo mim finger ufelade.. auso, bim dritte alouf wärs de e luti überlegig wärt 😉