Fritig abe… i bi todchrank.. morn geits ad Moh =)
Mini motivatin hetsech grad biz i gränze.. i fröiemi eigentli scho siti d idee gha ha, es wiehnachtsgschänk a mis zwöite Ich ds mache, dasme mau a sone event ds holland gä.. abr so vou vergrippt u chrank isch d motivation grad chle em schwanke..
Egal, hüt no mit ganz viel gsungem zügs vougstopft früeh is bett… schliessli woti fit si morn =)
Samschtig morge, früeh ufsta, sändwitschbrötli ga hole u späckmütschli, woni näre sowiso vergisse.. 😉 no paar pretuval ir drogerie u trubezucker.. ig bi vorbereitet für das WE =)
Mis zwöite Ich chuntmi cho hole u nachdämer ds ganze gepäck vo mier iglade hei, fahremer los richtig basel…
Em flughafe acho heimer schomau ds erste gstürm mitem oll.. *g* jaja, deo u harspray gsehsi ni so gärn im handgepäck.. zum glück heimer ds outo no grad ir nechi, chamer das mau ga uf d site tue 😉
Hihi, defür hei di liebe zolllüt ni gmerkt, dasme beid no je es fanta fläschli im plastigsack gha hei.. gäld gspart vorem abhäbe..
Womer äntli üses gate gfunge hei, mau gluegt u gluegt u gluegt…. u festgstellt, üser zwöi angere lüt si gar ni ume.. mau alüte… „mir si da grad vor dr zollkontrolle, bim kiosk“.. hehe, derte heimer doch no d scherereie gha.. hihi.. emu em schluss simer du doch aui zäme vorem abflug em warte gsi… hihi, sines chlises vierer grüppeli gsi, zwöi chranki, eis agfrässnigs u eis zwöits Ich =)
Bim istige is flugzüg hets scho di erste bekannte gsichter gä… „hehe, bisch ou ungerwägs uf amsterdam?“ (so blöd hani scho geng mau wöue frage 😉 )
Flug isch rächt agnäm gsi, usert di chline goffe 😉
Ds amsterdam heimer de mau überleit, wasmer itze chönte mache.. scho uf den bosch abe odr no chle umesiffe..
Hei de beschlosse ds den bosch unger es schliessfach ds nä u derte de o was ds ässe.. auso nächst zug gno u chle ga zug fahre..
Ds den bosch de äbe ga ässe u mau angers agleit u so für d fete…
Öpis nade zäne simer de richtig brabantehalle gange.. damer natürli ke ahnig hei gha, wosi gnau isch umer ds fuu si gsi de lüt nachedsloufe, heiemr ds taxi gno, wonis für 2euro pro pers vou vor d igangstüre gstellt het.
Derte scho de nächste bärner übere wäg glüfe =))
Ine u d mau gstunet.. d igangshalle eleige isch öpe scho so gros wi ds hallestation. U no ohni sound odr so…
Emu ja, rächt viel lüt em asta…
De ds ganze prozedere it ticketzeige, nächsti schlnage u abtaste u no chäschtli ergatere.. schlussemänd heimer das aues erlediget gha u ändli chöne d floors erchunde.. es het schomau angers prätschet im erschte floor.. u d lüt.. so geil gsi..
Womer em schluss aui floors gfunge hei unis i eim nidergla hei, ischs rächte gemülich worde.. ig mit mim schnupfe u so ha sowiso ni au zu fest chöne gas gä.. abr irgendwie hetsmi agschnägglet ds fest umedssta, we so geile sound glofe isch.. u ja…
Zwüschdüre chle pöiselet im fräss-egge 😉
Dörte simer de gäge schlus o lenger ga hocke u sogar stückliwis ipennet „Lachsch du?“ – „Nei, i schlafe…“ 😉
Nade sächse simer wider i houptfloor füre, dasmer em halbi sibni hei use u ufe zug chöne.. im floor heimers tatsächlech gschaft IM STA IDSCHLAFE.. das muessmer auso de ou zersch chöne..
Ja, halbsibni jagge fasse u use… u es schifet i ströme..
Taxi? Klaro nid, heisi plötzli 25öiro wöue füre glich wäg wi vori.. simer halt glofe a bahnhof. Derte ufe erscht zug richtig flughafe wöue wö em 7:08 gfahre wär.
Hmm, gar nix agschribe.. schäisse, suntig morge, dä fahrt gar nid..
Supr, deswäge hockt a jedem egge es grüppeli u warte d lüt wi blöd.. d züg fahre hüt aui mit 2h verspätig… ganz geil.. mier auso aui müed, pflatschnass u zwöi haubgsungi eme offene bahnhof wos zoge het wi ime grossmuetter muu inne..
Im schalterrümli hets no grad platz gha für üs ono häre ds setze, u de simer derte abghöcklet…
Nach ca 15min derte hocke, merkeni, das mi körper wot afa rebelliere.. zuckermangel, überasträngig, bluetdruck ds töif… hmm, das hani doch scho gha, isch rächt müehsam, sobaldi chle chrank bi, isch mi kreislouf so was vo em arsch. Auso grad mau ablige, bei id höchi u trubezucker ischleze.. u scho geits besser…
Ds zittere het no chle lenger gha, abr dr kollaps hani grad chöne umga… ha doch mine lüt ni wöue angst mache..
Eja.. emu wo dr zug cho isch heimernis es vierer abteilg ergateret u si näre widr richtig flughafe… dörte was zmorge drunke, ig natürli no pretuval igfresset u ja..
D marina het vome letschte holland bsuech no ds etap hotel kennt.. simer dörte häre u hei ds viert es drüer zimmer beleit.. ig u mis geliebte 2te Ich hei ds doppu bett becho u em armin no vorgschlage, obersech ni o wet zuenis quetsche.. abr wär ni wet het gha.. d marina het es eigets bett becho u üse hahn im chorb isch a bode ga penne… (är het de o derna usgseh bim ufsta.. 😉 )
Gemütlich, nach ca 6h schlaf simer em füfi wider ufgstange, für mau richtig flughafe..
Derte acho heimer festgstellt, das üse flug verschobe worde isch um angerhalb stung. Super, solang hätemer lenger im bett chöne blibe.. 😉
Em flughafe heimer de was gässe (YamYam to Go) u eswenn hiemer de icheckt u si innena ga witer warte. Dörte häts ono e Mac gha 😉
Innena heimer mau wider zur abwächslig paar schwizer hcs troffe, womernis hei chöne ungerhalte… mit dene simer de em schluss ou zu üsem gate hingere.. =)
Zollkontrolle hättemer no fasch es gschlegu agfange, wöu dr eint vode zöllner eifach bling isch gsi… (mä het flüssigkeite ines äxtra seckli söue tue, u mis 2te Ich het das eifach so im nessiser gha, das seckli.. u är hetis sowas vo agfigget u gmacht u ta, biser tschegget het das ds seckli im seckli ine isch gsi… böö..)
Jou, mit ca zweehalb stung verspätig simer du abgfloge, was dr pilot abr mit extremem rase wider rächt wett gmacht het.. auso simer eswie em halbi 12i ds basel de mau acho… i hami geng wi besser gfüeut ir zwüschezsyt.. müed, abr gsünger..
Wider düre zoll, ustschecke u näre is outo i richtig arlesheim…
Hei is bett…..
Mier si eswie em halbi eis ga penne odr so, u planet gsi für em 5i wider ufsta, da ig em 8 ab 6i ds basel wider ufe zug ha müesse für ane kurs im dütsche use….
U mier heis sogar gschaft pünktlech, we ni sogar d sfrüeh da ds sii….
Jaja….. das WE isch öpe so angers geil gsi…..Merci für aui di korknasene wo derbie si gs, für die komische lüt ungerwägs u für di geile sieche womer party hei gha.. =)))