Es isch mal wieder Zischtig.. (zischti = mini kreative phasene oder eifach nur e tag wi jede ander o? =) )
Hüt hanimer mal was nöis überleit.. auso, eigentli scho vorgster:
I bachemer e Maa!!!
Isch das nie e gueti Idee? Au di typ wos da git, wo eifach geng no grad nid das si womer eigentli wet.. u au di tv-serie, wo doch zeige, dsamer mit es bizeli zouberkünst ganz eifach e maa cha bache… oke, är söt em schluss ni i teig zerfliesse, wär no rächt praktisch..
Auso mau e liste mache, wases so brucht:
Hmm, zwe arme, zwöi bei, plus füess u händ… e rumpf, es knackarsch und e chopf..
Genitalie natürli o, u ds gsicht plus haar und ohre..
Was bruchts no? Muessmer brustwarze u buchnabel ono erwähne?
Auso, je eini links u eini rächts dämfal, und e buchnabu.. hihi, wot ja de scho es strässli zum glück gseh 😉
Brucht äch sone typ viel mähl? Wot de ni eine wo ds troche im chopf isch.. hmm..
Auso, ds gwürz:
Bizzeli egoismus.. du sötsch zwüschdüre ou a dis wohl dänke.. abr bitte ni zu arrogant si, bi ig ja scho 😉 u vor allem was bringtmer e typ, wo zwar vil cha rede, abr ds einzige thema nur är isch?
Du muesch tierlieb si, schliessli hesches ja mit mier ds tüe.. hmm, gross u starch u männlich u blablabla.. 😉 nei, seich..
Gross? Gross isch ja ni schwirig ds si um mi ume 😉 u wedmi no grad so magsch bändige, hmm.. *pieks* *lol*
E gutsch wäutoffeheit wär ganz geil, eifach wöu d wäut rächt gross isch u so..
U natürli ganz vil toleraz-ströissel.. zu muesch ja dermit klar cho, das ig e eigete chopf ha 😉
Aja, u ds wichtigste.. e fläsche voll sexsüchtig 😉 auso öpe sone grosses *soweitmithändenzeigtwigeht* (ca 1.6m 😉 ) Stück… u ke biz schüch u ou chle experimentierfröidig..
Aues i auem ni längwilig u doch zum kuschle ds ha (ou häti tatsächlech fasch ds kuschel pulver vergässe), e rosekavalier u doch ni kitschig…
U em liebste wärsmer wede ni ganz bache bisch 😉 (abr doch so, dasde warm chasch gä i chalte winternächt (odr itze scho))
So richtig zum abisse..
Das Rezäpt isch für alli verwändbar u natürli individuell apassbar..
edit: u für mi no paar piercing u tattoo chärne, fingi angers geil.. odr no e glatze? (hmm 😉 )
eifach biz badboy =)
Und nächste Woche freuen wir uns, Sie wieder zu begrüssen wenn es heisst „Backe, Backe Kuchen oder andere tolle Sachen mit Ivi“
Ps: das isch ni real, wöu ganz ehrlech, i ha ni gärn 65kg brot.. u überhoupt hani lüt womer warm gä, woni cha kuschle, wo tolerant si u tierlieb.. u tröi u zuemer häbe.. Merci öich!!